നിങ്ങളുടെ പ്രതീകാത്മക സമ്മതിദാനാവകാശം ഇവിടെ രേഖപ്പെടുത്താം.

നിങ്ങളുടെ പ്രതീകാത്മക സമ്മതിദാനാവകാശം ഇവിടെ രേഖപ്പെടുത്താം.
തൃത്താല പഞ്ചായത്ത്‌ 16 ആം വാർഡ്‌ സ്ഥാനാര്‍ത്ഥികൾക്ക്‌ നിങ്ങളുടെ പ്രതീകാത്മക സമ്മതിദാനാവകാശം ഇവിടെ രേഖപ്പെടുത്താം.

Friday, October 23, 2015

തൃത്താല പഞ്ചായത്ത്‌ 16 ആം വാർഡ്‌ സ്ഥാനാര്‍ത്ഥികൾ....












Election Statistics 2010


Monday, December 30, 2013

ബക്കർഹാജി തട്ടത്താഴത്തിനു ദുബൈ അൽ അഹലി ക്ലബ്ബിൽ സ്വീകരണം

യു.എ .ഇ. സന്ദർശനത്തിന് വന്ന , കോടനാട് സിദീക്കുൽ അക്ബർ യതീംഘാന ട്രഷറും, കോടനാട് മഹല്ല് കൂട്ടായ്മയുടെ ആദ്യകാല പ്രവർത്തകനുമായിരുന്ന ബക്കർ ഹാജി തട്ടത്താഴത്തിനു ദുബൈ അൽ അഹലി ക്ലബ്ബിൽ സ്വീകരണം നൽകിയപ്പോൾ...

Saturday, September 8, 2012

കോടനാട് മഹല്ല് പ്രവാസി കൂട്ടായ്മ (യു. എ. ഇ) ക്ക് തുടക്കമായി .

കോടനാട് മഹല്ല് പ്രവാസി കൂട്ടായ്മ (യു. എ. ഇ) ക്ക് തുടക്കമായി .


ദുബായ്: പാലക്കാട്‌ ജില്ലയിലെ കോടനാട് മഹല്ലിലെ പ്രവാസികള്‍ ഇന്നലെ ബര്‍  ദുബായ് എവറസ്റ്റ്  ഇന്റര്‍നാഷണല്‍ ഹോട്ടലില്‍ യോഗം ചേരുകയും, കോടനാട് മഹല്ല് പ്രവാസി കൂട്ടായ്മ (യു.എ .ഇ ) എന്ന പേരില്‍ ഒരു കൂട്ടായ്മക്ക് രൂപം നല്‍കി പ്രവര്‍ത്തനമാരംബിക്കുകയും ചെയ്തു.   അര്‍ഷദ് മോയ്ദീന്കുട്ടിയുടെ ഖിറാ അ ത്തോടെ, എ.എം. മുജീബ് റഹ്മാന്‍ സ്വാഗത ഗാനം ആലപിച്ചു.  എം.വി അബ്ദുല്‍ റഷീദിന്റെ അധ്യക്ഷതയില്‍ ചേര്‍ന്ന യോഗത്തില്‍ എം. ഷ റ ഫു ദീന്‍ സ്വാഗതം പറ ഞു .  ടി. എ ഉമ്മര്‍ കൂട്ടായ്മയുടെ നയ പരിപാടികളും പദ്ധതികളും വിശദീകരിച്ചു.  വി. മനു ഹാജി, ടി. മുജീബ് റഹ്മാന്‍, എം.വി. ഫൈസല്‍, ഹസ്സന്‍ പി.വി, ഹൈദര്‍ അലി സി.വി എന്നിവര് സംസാരിച്ചു.  ശരീഫ്. വി യോഗത്തിന് നന്ദി പറഞ്ു .

കൂട്ടായ്മയുടെ ഭാ രവാ ഹികള് :

1. രക്ഷാധികാരികള്‍ :
    വി. മനു ഹാജി, എം. വി. അബ്ദുല്‍ റഷീദ്, ടി. അബ്ദുല്‍ റഷീദ്.
2. ചെയര്‍മാന്‍ : ടി.എ. ഉമ്മര്‍
3. കണ് വീനര്‍ : എം. എം. മുത്തലിബ്
4. ജോയിന്റ് കണ് വീനരമാര്‍: ടി. മുജീബ് റഹ്മാന്‍ & എം. ഷ റ ഫുദീന്‍
5. ട്രഷറര്: വി. ശരീഫ്

 

Saturday, September 1, 2012

യു. എ. ഇ "തട്ടത്താഴത്ത് കൂട്ടായ്മ" ക്ക് തുടക്കം കുറിച്ചു .

യു. എ. ഇ "തട്ടത്താഴത്ത് കൂട്ടായ്മ" ക്ക് തുടക്കം കുറിച്ചു .

 ദുബായ്: ഇന്നലെ ദുബായ് രോള രേസിടെന്‍സ് ഹോട്ടലില് വെച്ച് യോഗം ചേര്‍ന്ന് കൊണ്ട് യു. എ. ഇ യിലെ പ്രവാസികളായ തട്ടത്താഴത്ത് കുടുംബങ്ങള് ഒത്തു ചേര്‍ന്ന് കൊണ്ട് "തട്ടത്താഴത്ത് കൂട്ടായ്മ" എന്ന പേരില്‍ സംഘടന രൂപീകരിക്കുകയും ഭാരവാഹികളെ തിരഞെടുത്തു കൊണ്ട് പ്രവര്‍ത്തനങ്ങളുമായി മുന്നോട്ടു പോകുവാന്‍ തീരുമാനിക്കുകയും ചെയ്തു.

 

Tuesday, July 31, 2012

ഷവര്‍മ കഴിച്ച ഒരാള്‍ കൂടി മരിച്ചു

തിരുവനന്തപുരം: വഴുതക്കാട്ടെ സാല്‍വെ കഫെയില്‍ നിന്ന് ഷവര്‍മ കഴിച്ച ഒരാള്‍ കൂടി മരിച്ചു. കോട്ടയം സ്വദേശി പ്രൊഫസര്‍ വര്‍ഗ്ഗീസാണ് മരിച്ചത്.


സാല്‍വെ കഫെയില്‍ നിന്ന് കഴിച്ച ഷവര്‍മയില്‍ നിന്ന് ഭക്ഷ്യവിഷബാധയേറ്റതിനെ തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ ചികിത്സയില്‍ കഴിയുകയായിരുന്നു വര്‍ഗ്ഗീസ്.

ഇദ്ദേഹത്തിന്റെ മകനും ചികിത്സയില്‍ കഴിയുകയാണ്.
സാല്‍വെ കഫെയില്‍ നിന്ന് ഷവര്‍മയില്‍ നിന്ന് വാങ്ങിക്കഴിച്ച ഭക്ഷ്യവിഷബാധയേറ്റ വിദ്യാര്‍ഥി നേരത്തെ ബാംഗ്ലൂരില്‍ മരിച്ചിരുന്നു.

ആലപ്പുഴ വിയ്യപുരം മാന്നാത്ത് റോയ് മാത്യുവിന്റെയും സിസി റോയിയുടെയും മകനായ സജിന്‍ മാത്യു റോയ്(21) ആണ് മരിച്ചത്.

തിരുവനന്തപുരത്തു നിന്ന് ബാംഗ്‌ളൂരിലേക്കുള്ള സ്വകാര്യ ലക്ഷ്വറി ബസില്‍ യാത്ര ചെയ്യുന്നതിന് മുമ്പ് വാങ്ങിയ ഷവര്‍മ പാഴ്‌സല്‍ ബസില്‍ ഇരുന്ന് കഴിച്ച സജിന്‍ പിറ്റേന്ന് ബാംഗ്ളൂരില്‍ മരിയ്ക്കുകയായിരുന്നു.

ഇതേ ഹോട്ടലില്‍ നിന്നും ഷവര്‍മ വാങ്ങിക്കഴിച്ച നടന്‍ ഷോബി തിലകനും കുടുംബത്തിനും മറ്റുപത്തു പേര്‍ക്കും ഭക്ഷ്യവിഷബാധയേറ്റിരുന്നു. ഇതില്‍ പലരും ആശുപത്രിയില്‍ ചികിത്സ തേടി. സാല്‍വെ കഫെ അടച്ചുപൂട്ടാന്‍ ഫുഡ് സേഫ്റ്റി കമ്മീഷണര്‍ ഉത്തരവിട്ടിരുന്നു. സംഭവവുമായി ബന്ധപ്പെട്ട് സാല്‍വ കഫേ ഉടമ അബ്ദുള്‍ ഖാദറിനെ പൊലീസ് അറസ്റ്റ് ചെയ്തിരുന്നു. മരണ കാരണമാവും വിധത്തില്‍ ഭക്ഷണത്തില്‍ മായം കലര്‍ത്തി വിതരണം ചെയ്തു എന്നാണ് ഇയാള്‍ക്കെതിരെ കേസെടുത്തിരിക്കുന്നത്. ജീവപര്യന്തം തടവും വന്‍തുക പിഴയും ലഭിച്ചേക്കാവുന്ന കുറ്റങ്ങളാണിതെല്ലാം. ഭക്ഷണത്തില്‍ മായംചേര്‍ത്തി വിറ്റതായി ഇയാള്‍ പൊലീസിനോട് സമ്മതിച്ചിരുന്നു. എവിടെയാണ് പിഴച്ചതെന്ന് അറിയില്ല എന്നും ആരെയും മനഃപൂര്‍വം ദ്രോഹിച്ചിട്ടില്ല എന്നും കീഴടങ്ങും മുമ്പ് ചാനലുകള്‍ക്ക് നല്‍കിയ അഭിമുഖത്തില്‍ പറഞ്ഞിരുന്നു.

Monday, July 30, 2012

ഇന്ത്യയ്‌ക്ക്‌ ആദ്യ മെഡല്‍;നരംഗിന്‌ വെങ്കലം

ലണ്ടന്‍: തോല്‍വി പരമ്പരയ്‌ക്കൊടുവില്‍ ഇന്ത്യയ്‌ക്ക്‌ ലണ്ടന്‍ ഒളിംപിക്‌സില്‍ മെഡല്‍ നേട്ടം. 10 മീറ്റര്‍ എയര്‍ റൈഫ്‌ളിങ്ങില്‍ വെങ്കല മെഡല്‍ നേടി ഗഗന്‍ നരംഗ്‌ ഇന്ത്യയുടെ അഭിമാനമായി.

ഫൈനലില്‍ 701.1 പോയിന്റോടെയാണ്‌ ഗഗന്‍ വെങ്കലം നേടിയിരിക്കുന്നത്‌. രണ്ടു റൗണ്ടുകളില്‍ നാലാം സ്ഥാനത്തേക്ക്‌ പിന്തള്ളപ്പെട്ടു പോയിരുന്ന ഗഗന്‍ അവസാന റൗണ്ടിലെ മികച്ച ഷോട്ടോടെ വെങ്കലം ഉറപ്പിക്കുകയായിരുന്നു. സ്വര്‍ണ്ണം റുമാനിയന്‍ താരം അലിന്‍ ജോര്‍ജ്ജിനും വെള്ളി ഇറ്റലിയുടെ നിക്കോള കപ്രിയാനിക്കും ആണ്‌.

ലണ്ടന്‍ ഒളിംപിക്‌സിലെ ഇന്ത്യയുടെ ആദ്യ മെഡല്‍ നേട്ടം ആണ്‌ ഗഗന്‍ നരംഗിന്റേത്‌. എന്നാല്‍ അതേ മത്സരയിനത്തില്‍ നിലവിലെ ഒളിംപിക്‌സ്‌ സ്വര്‍ണ്ണ മെഡല്‍ ജേതാവും, ഇത്തവണത്തെ ഇന്ത്യുടെ മെഡല്‍ പ്രതീക്ഷയുമായ അഭിനവ്‌ ബിന്ദ്ര പുറത്തായി.

പ്രാഥമിക റൗണ്ടില്‍ 594 പോയിന്റുകള്‍ നേടി പതിനാറാമനാകാനേ ബിന്ദ്രയ്‌ക്ക്‌ ആയുള്ളു. എന്നാല്‍ 600ല്‍ 598 പോയിന്റുകളോടെ മൂന്നാം സ്ഥാനം നേടിയാണ്‌ നരംഗ്‌ ഫൈനല്‍ പ്രവേശം നേടിയത്‌.

Saturday, July 21, 2012

യൂസഫലി എയര്‍ ഇന്ത്യ ബോര്‍ഡ് അംഗത്വം രാജിവച്ചു

ദില്ലി: എംകെ ഗ്രൂപ്പ് ചെയര്‍മാനും പ്രമുഖ പ്രവാസി വ്യവസായിയുമായ എം.എ.യൂസഫലി എയര്‍ ഇന്ത്യാ ഡയറക്ടര്‍ ബോര്‍ഡ് അംഗത്വം രാജിവച്ചു. ഗള്‍ഫ് മലയാളികളോടുള്ള എയര്‍ ഇന്ത്യയുടെ അവഗണനയില്‍ പ്രതിഷേധിച്ചാണ് രാജി.

രണ്ടു വര്‍ഷം ഡയറക്ടര്‍ ബോര്‍ഡില്‍ പ്രവര്‍ത്തിച്ചിട്ടും പ്രവാസി മലയാളികളോട് നീതി പുലര്‍ത്താന്‍ കഴിഞ്ഞില്ലെന്ന് അദ്ദേഹം പറഞ്ഞു. അടിയ്ക്കടി നിരക്ക് കൂട്ടുന്നതും അവസാന നിമിഷം സര്‍വീസ് റദ്ദാക്കുന്നതും യാത്രക്കാരെ വളരെയധികം വിഷമിപ്പിക്കുന്നുണ്ട്.


താനുള്‍പ്പെടെയുള്ള അംഗങ്ങള്‍ വളരെയധികം സമ്മര്‍ദ്ദം ചെലുത്തിയിട്ടും വിശേഷ അവസരങ്ങളില്‍ പോലും സര്‍വീസ് റദ്ദാക്കപ്പെടുകയാണ്. എയര്‍ ഇന്ത്യയിലെ ജീവനക്കാരുടെ നിസ്സഹകരണ മനോഭാവമാണ് പ്രസ്ഥാനത്തെ നശിപ്പിക്കുന്നതെന്നും യൂസഫലി പറഞ്ഞു. ഡയക്ടര്‍ബോര്‍ഡ് എടുക്കുന്ന ഓരോ തീരുമാനവും ജീവനക്കാര്‍ അട്ടിമറിക്കുകയാണ്.

ആറു വര്‍ഷം മുന്‍പ് താനുള്‍പ്പെടെയുള്ളവര്‍ മുന്നോട്ടുവച്ച 'എയര്‍കേരള' എന്ന പദ്ധതി ഇപ്പോഴും മനസ്സിലുണ്ട്. എയര്‍ കേരളയുമായി മുന്നോട്ടു പോകേണ്ടത് അനിവാര്യമാണെന്ന് ഇപ്പോള്‍ തോന്നുന്നു. ഈ സാഹചര്യത്തില്‍ കൂടിയാണ് രാജിയെന്നും യൂസഫലി പറഞ്ഞു.

2010ലാണ് എയര്‍ ഇന്ത്യയിലെ അഞ്ചു സ്വതന്ത്ര ഡയറക്ടര്‍മാരിലൊരാളായി യൂസഫലിയെ കേന്ദ്ര സര്‍ക്കാര്‍ നിയമിച്ചത്. മൂന്നു വര്‍ഷമായിരുന്നു കാലാവധി. നിലവില്‍ കൊച്ചി രാജ്യാന്തര വിമാനത്താവളക്കമ്പനി ഡയറക്ടറും എയര്‍ കേരള ഇന്റര്‍നാഷണല്‍ സര്‍വീസസ് ബോര്‍ഡ് അംഗവുമാണ്് യൂസഫലി.

M.A. Yusuf Ali, an industrialist from the Middle East, has resigned from the Air India board

Wednesday, July 11, 2012

പട്ടാമ്പിപാലത്തിന്റെ അടിവശത്തെ കോണ്‍ക്രീറ്റ് അടര്‍ന്നുവീണു

പട്ടാമ്പി: അപകടാവസ്ഥയിലായ പട്ടാമ്പിപാലത്തിന്റെ അടിവശത്തെ ദുര്‍ബലമായ കോണ്‍ക്രീറ്റ് അടര്‍ന്നുവീഴാന്‍തുടങ്ങി. വ്യാഴാഴ്ച വൈകീട്ടോടെയാണ് പാലത്തിന്റെ ആദ്യ തൂണിനുമുകളിലെ കോണ്‍ക്രീറ്റ് അടര്‍ന്നുവീണ് കമ്പികള്‍ പുറത്തുവന്നത്.
 

പുറത്തേക്കുള്ള കമ്പികള്‍ ദ്രവിച്ച നിലയിലായിട്ടുണ്ട്. പാലത്തിനടിയിലിരുന്ന് ചൂണ്ടയിട്ടിരുന്നവര്‍ തലനാരിഴയ്ക്കാണ് രക്ഷപ്പെട്ടത്. പഴക്കമുള്ള പട്ടാമ്പിപാലത്തിന്റെ അറ്റകുറ്റപ്പണി നടത്തണമെന്നത് യാത്രക്കാരുടെ ദീര്‍ഘനാളത്തെ ആവശ്യമാണ്. രണ്ടുവര്‍ഷം മുമ്പ് പാലത്തിന്റെ തെക്കുഭാഗത്തെ തൂണുകള്‍ ബലപ്പെടുത്തിയിരുന്നു. അതിനുശേഷം യാതൊരു അറ്റകുറ്റപ്പണിയും നടന്നിട്ടില്ല.

പി.ഡബ്ല്യു.ഡി. നടത്തിയ പരിശോധനയെത്തുടര്‍ന്ന് പട്ടാമ്പി പഴയപാലത്തിനുപകരം പുതിയത് പണിയാനുള്ള ഇന്‍വെസ്റ്റിഗേഷന്‍ നടപടികള്‍ പുരോഗമിക്കയാണ്. അതേസമയം, പുതിയപാലം പൂര്‍ത്തിയാവാന്‍ വര്‍ഷങ്ങളെടുത്തേക്കും.

തീര്‍ഥാടനകേന്ദ്രമായ ഗുരുവായൂര്‍ ഭാഗത്തേക്കും തിരിച്ചും ദിനംപ്രതി നിരവധി വാഹനങ്ങളാണ് പാലത്തിലൂടെ കടന്നുപോകുന്നത്. യാത്രക്കാരുടെ സുരക്ഷിതത്വം ഉറപ്പാക്കാനുള്ള യാതൊരു നടപടിയും അധികൃതരുടെ ഭാഗത്തുനിന്ന് ഉണ്ടാകുന്നില്ല.

മാസങ്ങളായി പാലത്തിലെ കൈവരികള്‍ തകര്‍ന്നും വഴിവിളക്കുകള്‍ കത്താതെയുമാണ് കിടക്കുന്നത്.

Monday, June 25, 2012

മലയാളിയുടെ കൊല:20പാക്കിസ്ഥാന്‍കാര്‍ അകത്ത്‌


ഷാര്‍ജ: റോള ഭാഗത്ത്‌ മലയാളി ഷോപ്പ്‌ കീപ്പര്‍ കൊല്ലപ്പെട്ട സംഭവത്തില്‍ 20 പാക്കിസ്ഥാന്‍കാരെ ഷാര്‍ജ പൊലീസ്‌ അറസ്റ്റ്‌ ചെയ്‌തു. സംഭവത്തില്‍ നാല്‌ ആളുകള്‍ക്ക്‌ പരിക്കേല്‍ക്കുകയും ചെയ്‌തിട്ടുണ്ട്‌.



ഈ ഇരുപതംഗ സംഘത്തിലെ ഒരാളുമായി കൊല്ലപ്പെട്ടയാള്‍ക്കുണ്ടായിരുന്ന തര്‍ക്കത്തില്‍ പതരം വീട്ടാന്‍ കത്തികളുമായെത്തിയായിരുന്നു ആക്രമണം. കത്തികൊണ്ട്‌ കുത്തിയാണ്‌ കൊല നടത്തിയിരിക്കുന്നത്‌.

ശനിയാഴ്‌ച രാത്രി പത്തരയോടെയാണ്‌ സംഭവം. കാസര്‍കോട്‌ കാഞ്ഞങ്ങാട്‌ നോര്‍ത്ത്‌ ചിത്താരി ചാമുണ്ടിക്കുന്നിലെ മുഹമ്മദ്‌ ഷരീഫ്‌ (33) ആണ്‌ കൊല്ലപ്പെട്ട ഷോപ്പ്‌ കീപ്പര്‍.

കാസര്‍കോഡ്‌ ചേറ്റുകുണ്ട്‌ സ്വദേശി നൂറുദ്ദീന്‍ (30), സഹോദരന്‍ ഖലീല്‍ (26), കൊല്ലപ്പെട്ട ഷരീഫിന്റെ സഹോദരീ പുത്രന്‍ ഇഹ്‌സാന്‍ (24), അന്‍വര്‍ (28) എന്നിവര്‍ക്കാണ്‌ ഏറ്റുമുട്ടലില്‍ പരിക്കേറ്റത്‌.

ഇതില്‍ അന്‍വര്‍ ഒഴികെ മറ്റു മൂന്നു പേര്‍ക്കും കത്തികൊണ്ട്‌ കൂത്തേറ്റിട്ടുണ്ട്‌. നാലു പേരെയും കുവൈത്ത്‌ ആശുപത്രിയില്‍ പ്രവേശിപ്പിച്ചിരിക്കുകയായിരുന്നു. ഇതില്‍ അന്‍വറിനെയും ഖലീലിനെയും ഡിസ്‌ചാര്‍ജ്‌ ചെയ്‌തിട്ടുണ്ട്‌. മറ്റു രണ്ടു പേരും അപകടനില തരണം ചെയ്‌തിട്ടുണ്ടെന്നാണ്‌ ആശുപത്രി അധികൃതര്‍ റിപ്പോര്‍ട്ട്‌ ചെയ്‌തിരിക്കുന്നത്‌.

Sharjah: Around 20 Pakistani men have been arrested over a fight in the Rolla area last night in which a shopkeeper was killed and four others were injured, Sharjah Police has confirmed.

A Sharjah Police official said that the shopkeeper was stabbed to death, after a gang of men armed with knives and swords entered the shop to seek vengeance over a dispute with one of them.
The deceased has been identified as Mohammad Sharif, 33, hailing from Kasargod in the South Indian state of Kerala. He died on the spot.

The injured persons are passers by who attempted to help the shopkeeper, police said.

വിദ്യാര്‍ഥിനികളെ നഗ്നരാക്കി പരിശോധന

തിരൂരങ്ങാടി: മോഷണക്കുറ്റം ആരോപിച്ച് വിദ്യാര്‍ഥിനികളെ നഗ്നരാക്കി പരിശോധന നടത്തിയത് വിവാദമാവുന്നു. ജൂണ്‍ 22ന് കക്കാട് കേരള ഇംഗ്ലീഷ് മീഡിയം ഹൈസ്‌കൂളിലായിരുന്നു സംഭവം.



നാലാം ക്ലാസ് വിദ്യാര്‍ഥിനികളായ രണ്ട് പേരെ പ്രധാനാധ്യാപികയും ക്ലാസ് അധ്യാപികയും ചേര്‍ന്ന് നഗ്നരാക്കി പരിശോധന നടത്തിയെന്നാണ് പരാതി. ക്ലാസിലെ ഒരു കുട്ടിയുടെ എഴുപത് രൂപ മോഷണം പോയതിനെ തുടര്‍ന്ന് ഇരുവരും ചേര്‍ന്ന് സ്‌കൂളിലെ ഒന്‍പത് കുട്ടികളെ ദേഹപരിശോധനയ്ക്ക് വിധേയരാക്കി. ഇതില്‍ രണ്ടു കുട്ടികളെ നഗ്നരാക്കുകയും മാനസികമായി പീഡിപ്പിക്കുകയും ചെയ്തുവെന്നാണ് ആരോപണം.

സംഭവത്തെ തുടര്‍ന്ന് കുട്ടികളുടെ രക്ഷിതാക്കള്‍ പൊലീസില്‍ പരാതി നല്‍കി. ഇവരുടെ പരാതി പ്രകാരം പ്രധാനാധ്യാപികയ്ക്കും ക്ലാസ് അധ്യാപികയ്ക്കുമെതിരെ കേസെടുത്തിട്ടുണ്ടെന്ന് പൊലീസ് അറിയിച്ചു.

അന്വേഷണത്തിന്റെ ഭാഗമായി ഇരുവരേയും പൊലീസ് ചോദ്യം ചെയ്യും. മറ്റു വിദ്യാര്‍ഥികളുടെ മൊഴിയും എടുക്കുമെന്ന് പൊലീസ് അറിയിച്ചു. സംഭവത്തെ തുടര്‍ന്ന് ചൈല്‍ഡ് ലൈന്‍ പ്രവര്‍ത്തകര്‍ സ്ഥലത്തെത്തി തെളിവെടുപ്പ് നടത്തിയിരുന്നു.

Share

Twitter Delicious Facebook Digg Stumbleupon Favorites More