 |
Safar Khan, Shabeer Koottanad, Ali Kodanad, Zainul Abid, Sabith Moh'd, Mujeeb Rahman, Shabeeb A V, Shareef TK, Shafeek Kodanadu , Anwar CV, Harshad Vettuparambil |
"It was great to beat Mumbai Indians in Mumbai," Lawson told reporters. "We have proved that we can beat any team." He said the team was looking forward to their next home match against defending champions Chennai Super Kings on Monday. "Every team is beatable," Lawson trailed off.
ഇനിയുള്ള മണിക്കൂറുകള് നിശബ്ദ പ്രചാരണത്തിന്റെ തിരക്കിലേക്ക് പ്രവര്ത്തകര് നീങ്ങും. പരമാവധി വോട്ടര്മാരെ നേരില് കണ്ട് വോട്ടുറപ്പിയ്ക്കാനാവും പാര്ട്ടി പ്രവര്ത്തകരുടെ ശ്രമം. ബുധനാഴ്ച പതിമൂന്നാം നിയസഭയിലേക്കുള്ള തങ്ങളുടെ പ്രതിനിധികളെ തിരഞ്ഞെടുക്കാനായി കേരളം പോളിങ് ബൂത്തിലേക്ക് പോകും.
തിരുവനന്തപുരത്ത് പൂന്തുറയില് മന്ത്രി സുരേന്ദ്രന് പിള്ളയ്ക്ക് യുഡിഎഫ് പ്രവര്ത്തകരുടെ അക്രമത്തില് പരിക്കേറ്റു. പ്രതിരോധമന്ത്രി എ.കെ.ആന്റണിയുടെ പ്രചാരണവാഹനം തടസ്സപ്പെടുത്തി എന്നാരോപിച്ച് യുഡിഎഫ് പ്രവര്ത്തകര് എല്ഡിഎഫ് സ്ഥാനാര്ഥി വി.സുരേന്ദ്രന് പിള്ളയെ തടഞ്ഞുവെയ്ക്കുകയായിരുന്നു. തുടര്ന്നുണ്ടായ സംഘര്ഷത്തിലാണ് സുരേന്ദ്രന് പിള്ളയ്ക്ക് പരിക്കേറ്റത്. കായംകുളം, കരുനാഗപ്പള്ളി, തൃശൂര് കയപ്മംഗലം, എന്നിങ്ങനെ പല മണ്ഡലങ്ങളിലും പ്രവര്ത്തകര് തമ്മില് സംഘര്ഷമുണ്ടായി. 
അധികാരം തിരിച്ചുപിടിക്കാന് കഴിയുമെന്ന ആത്മവിശ്വാസത്തിലാണു യുഡിഎഫ്. എന്നാല് അധികാരം നിലനിര്ത്തി ചരിത്രം തിരുത്തുമെന്ന പ്രതീക്ഷയിലാണ് ഇടതുമുന്നണി. സ്വാധീനമണ്ഡലങ്ങളില് പ്രചാരണക്കൊടുങ്കാറ്റ് അഴിച്ചുവിട്ടതിനു ഫലം ഉണ്ടാകുമെന്ന പ്രത്യാശയിലാണ് ബിജെപി.
ബുധനാഴ്ച രാവിലെ ഏഴു മുതല് വൈകിട്ട് അഞ്ചു വരെയാണു വോട്ടെടുപ്പ്. ആകെ 20,785 ബൂത്തുകളാണ് ഉള്ളത്. എല്ലാ ബൂത്തിലും ഒരു യന്ത്രം വീതം. തകരാര് ഉണ്ടാകാനുള്ള സാധ്യത കണക്കിലെടുത്തു പതിനായിരത്തോളം യന്ത്രങ്ങള് കരുതലായി ഉണ്ടാകും.
ഒരു ബൂത്തില് മൂന്നു പോളിങ് ഉദ്യോഗസ്ഥരെ വീതം വിന്യസിക്കും. 1450 വോട്ടര്മാരില് കൂടുതലുള്ള പോളിങ് സ്റ്റേഷനുകളില് നാലു പേരുണ്ടാകും. പ്രശ്നബാധിത ബൂത്തുകളെക്കുറിച്ചുള്ള വിവരങ്ങള് തുടര്ന്നും ശേഖരിക്കുകയാണ്. സംസ്ഥാന പൊലീസ് സേനയെക്കൂടാതെ നാല്പ്പതു കമ്പനി കേന്ദ്രസേനയും സമാധാനപരമായ വോട്ടെടുപ്പ് ഉറപ്പാക്കാനായി സംസ്ഥാനത്തുണ്ടാകും. 
വോട്ട് ചെയ്യാന് വരുന്നവര്ക്കു തിരിച്ചറിയല് കാര്ഡ് ഉണ്ടായിരിക്കണം. എന്തെങ്കിലും കാരണവശാല് കാര്ഡ് നഷ്ടപ്പെട്ട യഥാര്ഥ വോട്ടര്മാര്ക്ക് ഓരോ ബൂത്തിലും പ്രവര്ത്തിക്കുന്ന ഹെല്പ് ഡെസ്ക് വഴി തിരഞ്ഞെടുപ്പു കമ്മിഷന് ഫോട്ടോ പതിച്ച സ്ളിപ് വിതരണം ചെയ്യും. ഇതു തിരിച്ചറിയല് കാര്ഡിനു പകരം ഉപയോഗിക്കാം. കാര്ഡ് ഉള്ളവര്ക്ക് സ്ളിപ് നിര്ബന്ധമല്ല. ചാനലുകളും എഫ്എം റേഡിയോകളും തിരഞ്ഞെടുപ്പു ചര്ച്ചകള് നടത്തുന്നതിനും ഇത്തവണ വിലക്കുണ്ട്. നിരോധനം ലംഘിച്ചാല് നിയമനടപടികളുണ്ടാകും. പ്രചാരണ എസ്എംഎസുകളും വിലക്കി.
